Sporadískt

Ég er sporadískur bloggari. En ég sé að það hefur sinn tilgang. Sporadískt yfirlit yfir farin veg. Ágætt. Ég er orðin mun betri í eldhússtörfum síðan síðast. Það er gott mál.

R.I.P. Tommi

Nú er hamsturinn farinn til Guðs og við á leið að veita honum verðuga útför í dýragrafreitnum upp í Kjós. Blessuð sé minnming um stórkostlegan hamstur. Frekari minningarorða er að vænta síðar þegar undirðritu er komin yfir mestu sorgina. PS stjórnin féll í dag.

Jólaamstur

Ég er í jólaham. Brenndi rjómaostkökurnar eina plötu. Alltof mikið kakó í hráfæðiskökunum. Þrátt fyrir námskeið. Piparkökurnar sleppa sennilega, þrátt fyrir hýði og gróft spelt. Tvö kíló af lúsíu deigi beint í ruslið. Allt of lítið ger. Hmm ég fer innan skammst í Hagkaup á náttfötunum og byrja að baka aftur. Þrátt fyrir klukkan sé nú 3. Dísin búin að fá í skóinn.

Og hvað.....

Fáránlega fínt að vera rauðvínsfullur að skrifa rómantík.

Saga ástarinnar heldur áfram

Sumarmók. Kláraði Saga ástarinnar eftir Nicole Krauss og lánaði hana strax áfram í dag. Bókin er dásamleg og ég hágrét yfir henni. Hins vegar myndi ég gjarnan vilja lesa hana á frummálinu þrátt fyrir að þýðing fyrrverandi samstarfskonnu minnar, Kristrúnar Heiðu Hauksdóttir, sé ein sú besta sem ég hef rekist á nokkru sinni.

Akureyri var æði, sól-afmælisveisla mömmu sem var hæstánægð með ferðatöskuna sem hún fékk fyrir allar reisurnar sem eru framundan. Brauðtertan var æði, þangað til Bryndís ældi henni.
Hún er yfir sig kát með Ástjarnar dvölina, farin til Noregs og ég sé hana ekki fyrr en 18.ágúst. Ég fæ nettan taugara af söknuði ef ég hugsa til þess-só æ dónt. Við náðum þó að smella okkur á RUV þar sem Bryndís fór á stuttan fund vegna þess að hún tekur þátt í Stundinni okkar í vetur. Upprennandi fjölmiðlakona á ferð-auk þess að vera vísindakona. Hún nebblega mátti tæplega vera að því að fara til Noregs vegna skoðunar á flugnavæng í smásjá.

Sæta sumar

Allt er bara svo sætt. Ég á svo sæta vini og sæta litla frænku sem ég fékk að knúsa áðan. Hún er sex ára. Það er ekkert sætara en sex ára frænkur. Síðan eldaði ég stórkostlegan mat, með sætu ská-frænkunni minni. Vinir mínir hringdu í óða önn og það er líka krúttlegt á svona góðum degi. Síðan er ég að dunda við að finna afmælisgjöf handa henni móður minni sem nær þeim merka áfanga að verða fimmtug þann 2.júlí, þessi yndislega kona. Litla systir mín var hjá mér aðframkomin eftir vinnu og á morgun ætla ég að bruna úr bænum í Sólheima með henni Evu minni og sunnudagsmorguninn er síðan frátekinn fyrir hann Roald minn. Ég á ekki aukatekið hvað allir mínir og mitt er dásamlegt þessa dagana. Það er örugglega útaf því að ég er með freknur.
Síðan tekur við Akureyri á þriðjudag og veisla. Og síðan aftur borgin þar sem bænastundin hans Snorra bíður í Hljómskálagarðinum. Þetta er allt eins og það á að vera og ég syndi og syndi og syndi. Því nú kann ég skriðsund!

Sólí sólí

Sól sól skín á mig, endalaust, mig langar ekki einu sinni til útlanda. Stanslausar grillveislur og garðveislur. Gönguferð í Skammadal. Ég of sein að setja niður kartöflur. Akureyri lystisemdin ein þar sem gamla gengið úr MA var hresst. Og allir bara hressir á sumrin á Akureyri yfirhöfuð. Ég vakna á undarlegum tímum, því sólin skín stanslaust. Ég var mætt í eldhúsið kl.6 að hlusta á morgunvaktina á rás eitt. Vaknaði samt 4.40. Framundan eru fjöldin allur af stefnumótum við fallegt og skemmtilegt fólki. Í dag er það Nauthólsvík, sundæfing og gönguferð. Síðan ferð til Kikk frænk í Kefl að framleiða einhver tímamótaverk.